Келер жылдан бастап тағы 1 млн-нан астам қазақстандық міндетті әлеуметтік медициналық сақтандыру жүйесіне қосылады.

Ол үшін жергілікті атқарушы органдар жұмыссыздар үшін жарна төлеуге тиіс болады. Осылайша елде тегін дәрігерлік көмекке қолы жеткен тұрғындардың үлесі 5%-ға артады. Бүгін Сенат МӘМС жүйесіне енетін өзгерістерді тақылап, мақұлдады. Қазір елде 3 млн адам сақтандыру жүйесінен тыс қалып отыр. Сарапшылардың топшылауы бойынша заңнамалық жаңашылдықтар Қордың жинағын 200 млрд теңгеге дейін ұлүайтуға мүмкіндік бермек. Медициналық көмектің бірыңғай базалық пакеті енгізіліп, оған шұғыл және жедел жәрдем, паллиативтік көмек, жұқпалы және әлеуметтік маңызы бар ауру-сырқат түрлерін емдеу кіреді. Сонымен қатар алдағы уақытта бірқатар скринингтік тексеру тегін болады. Кейінгі 5 жыл бойы тұрақты жарна аударып келген тұрғындар жүйеден тыс қалған жағдайда оның орнына қор тарапынан қазіргі ереже бойынша 3 ай емес, 6 айға дейін жарна төленеді. Сонымен қатар еңбекақысы жоғары қызметкерлер үшін МӘМС жүйесіне жарналар мен аударымдарды төлеуде жеңілдіктер жойылады. Әзірлеушілер бұл әлеуметтік әділеттілікті қалпына келтіруге бағытталған шара екенін атап өтті. Заң міндетті әлеуметтік медициналық сақтандыру жүйесінің жаңаша моделіне кезең-кезеңмен көшуді көздейді.