Канада АҚШ-тың IT компанияларының цифрлық қызмет көрсетуіне салған салықты жойды.

Шешім бүгін күшіне енді. Бұл туралы Канаданың Қаржы және мемлекеттік кіріс министрі мәлімдеді. Франсуа-Филипп Шампань Вашингтонмен сауда жөніндегі келіссөздер жалғасатынын және 21 шілдеге дейін ортақ мәмілеге келуі мүмкін екенін айтқан. Естеріңізге сала кетейік, Дональд Трамп 28 маусымда Канадамен арадағы сауда келіссөзін тоқтатып тастаған еді. Бұған АҚШ-тың Amazon, Google және Uber сияқты ірі технологиялық компанияларына қарсы 3 пайыз салық енгізу себеп болған. Ақ үй басшысы бұл шешімді Америка бизнесіне шабуыл деп атады. Жалпы салық көлемі шамамен 2 миллиард долларды құраған.