Атырау облысының Мақат ауданында «Велосипед күні» өтті,деп хабарлайды 24kz.

Мемлекеттік мекеме қызметкерлері бір күнге көліктерін үйде қалдырып, жұмысқа велосипедпен жетті. «Таза Қазақстан» акциясы аясында қолға алынған бастаманың мақсаты – халық арасында экологиялық мәдениетті қалыптастыру. Осылайша, тұрғындар қоршаған ортаға зиянды шығарындының мөлшерін азайта отырып, салауатты өмір салтын насихаттады. Жалпы биыл ауданда «Таза Қазақстан» бағдарламасы аясында 100-ден астам экологиялық іс-шара ұйымдастырылған.

Бекәділ Жайкин, Мақат ауданы әкімінің орынбасары:

- Осы акция аясында бізде әр екі апта сайын сенбілік ұйымдастырылады. Жалпы осы сенбілікке үш мыңның үстінде халық қатысқан. Және де 27 техника жұмылдырылды. 1300 тоннадай қоқыс қазіргі таңда шығарылды. Бүгіннің өзінде де ауданда сенбілік ұйымдастырылып, оған 1200 адам қатысты.