Ақылы түрде ақыл айтқыштарға тықыр таянды.

Енді жалған психологтар мен коучтар бақылауға алынады. Құлқынның қамын ойлап, қызметін сатып ақша табатындардың жұмысын мемлекет басшысы сынға алды. Олардың әрекетін бұдан былай жауапты органдар назарға алуы тиіс, Президент пәрмен берді, әрмен қарай қоғамды алаңдатқан мәселенің шешімі табылар деген сенім бар. Жалпы, жұрт неге желідегі "данышпандардың" кеңесіне мұқтаж. Елде ақылын сататындардың саны қанша екен? Ресми дерек бар ма?

- Өзіңіз айтқандай, жарнамасы жер жарып тұрған ақылы ақыл айтқыштардың нақты статистикасы анық болмай тұр. Бір анығы, қазір әлеуметтік желінің қай- қайсысын ашып қалсаң да, курс сатып, кеңесіне құлақ түруге шақыратын коучтар көп. Әп-сәтте бай болуды, әдемі өмірге сай болуды, өзіңе ғашық етуді, басқасын асық етуді, одан қалды шетел асып шалқып жүруді де үйретемін дейтіндер жетіп жатыр. Сеніп барып, сан соғып қалатындары көбейіпті. Мұны Президенттің өзі айтты. Мемлекет басшысына тікелей шағым түсіретіндер де бар болып шықты.

Қасым-Жомарт Тоқаев, Қазақстан Республикасының Президенті:

- Қазір жұртқа ақыл айтып, ақша табатын жалған психологтар мен ‘коучтардың’ саны көбейіп кетті. Оларға сеніп, алданып қалғандар көп. Маған бұл мәселеге қатысты көптеген шағымдар түсті. Жауапты органдар бұл мәселені де назарға алуы тиіс.

Оңай олжа табуды көздегендердің тағы бір түрі қайырымдылықты желеу еткендер болып тұр. Мұқтажға көмек деп ақша жинап, артынша оны жеке пайдасына жарататындың саны артыпты. Теріс пиғылдыларды тәртіпке келтіретін кез жеткенін мәлім етті Президент. Мәселені сарапшылар да қостап, заңмен реттеу керек деп отыр. Заңгер Аржан Сәдуақас дәл қазір бізбен зум арқылы байланысқа шығып, пікір білдіруге дайын. Өзінен сұрап білсек. Аржан мырза, кеш жарық! Психологтар мен коучтардың қызметін біріңғай заңдық тұрғыда қалай реттеуге болады?

Аржан Сәдуақас, заңгер

- Өзіңіз де білесіз, қазір қоғамдық орындарда немесе жеке парақша арқылы қайырымдылыққа деп ақша жинаушылар жиі кездесіп жатады. Оларды да бір тексеріп анықтау керек сияқты. Бұған не айтасыз?

Бұл жерде алаяқтардың да алшаң басып тұрғанын аңғаруға болады. Өткен жылдың өзінде интернеттегі әккілер қазақстандықтардан 18 миллиард теңге жымқырған көрінеді. Жыл сайын 20 мыңнан аса интернет-алаяқтық фактісі тіркелетін көрінеді. Қиындық көрсе қиылып, қолындағы барын бере салатын халықтың құқықтық һәм қаржылық сауаттылығына да сын болып тұрғаны анық.

11 765 адам алданған

18,2 миллиард теңге

Жыл сайын 20 мыңнан астам интернет алаяқтық фактісі тіркеледі