Бүгінде Ұлттық құрылтай ықпалды қоғамдық-саяси институтқа айналды.

Құрылтай – алуан пікірлердің алаңы, ел тағдырына бей-жай қарамайтын азаматтардың бас қосатын ортасы, деді Мәжіліс Төрағасы Ерлан Қошанов. Палата спикері осы жолы да Президент өткір мәселелерге тоқталып, Парламентке ауқымы кең шаруалар жүктегенін атап өтті. Олардың қатарында салық реформасы, деструктивті діни ағымдармен күрес, сондай-ақ депутаттардың бастамасымен әзірленген шекаралық аймақтарды дамыту туралы заң жобасы бар. Бұл бағыттар елдің дамуы мен қауіпсіздігін қамтамасыз ету үшін шешуші рөл атқарады. Ерлан Қошанов Мәжілістің жалпы отырысында еліміздің барлық прогрессивті қоғамдық-саяси күштерін Мемлекет басшысының төңірегінде топтасуға және Әділетті Қазақстан құру қағидаттарына негізделген қарар қабылдауды ұсынды.