Еуроодақ Израильді Газа секторындағы әскери операцияны дереу тоқтатуға шақырды. Аймақтағы ахуал соңғы бір тәулікте ушығып, «Рейтер» агенттігінің хабарлауынша, 413 адам опат болған.

Сондай-ақ палестиналықтарға гуманитарлық көмек жеткізу де қиындады. Себебі Израиль «Рафах» өткізу бекетін жауып тастаған. Осы ретте Еуроодақтың Сыртқы істер жөніндегі өкілі Кая Каллас алаңдаушылық білдірді. Оның айтуынша, екі жақ та қарулы қақтығыстардан ауыр зардап шекті. Сондықтан тараптарды қантөгісті тоқтатып, ортақ мәмілеге келуге үндеді. Ал Израиль ХАМАС-тан қалған тұтқындарды босатуды талап етіп отыр. Олай болмаған жағдайда әуе соққысын жалғастыруға бекініп отыр.