Себебі маса-шыбын көбейіп , тұрғындар шағымдана бастаған.

Биыл қаладағы залалсыздандыру аумағы едәуір кеңейді. Химиялық препарат мөлшері де өзгерді. Көктемгі дезин-секциялық науқанына, жұмысшылар мен арнайы техника жұмылдырылып отыр.

Дендросаябақта қансорғыштарды улап жатыр. Күн күрт жылынып, залалсыздандыру жұмысы ерте басталды. Тұрғындар экопаркке демалып, серуендеу үшін келеді. Сондықтан жайлы ортаның болғаны дұрыс. Зиянкестерді уақытында жоймаса, кейін көбейіп кетеді.

Бибіжамал Мәлік, саябақтың ғылыми қызметкері:

- Ағаштың қабығының астына, топырақта сақталған зиянкестерді жою бұл көктемде зиянкестердің көбеймеуіне тікелей әсер етеді. Сондай-ақ бізде көл аумағы бар 3 гектар болатын. Ол жерде де зиянкескер, масалар көбейіп кетпеуін алдын алу үшін жүргіземіз. Халыққа зиянкестердің кері әсері тимеу үшін, масалар шақтас үшін дизинсекцияның маңызы өте зор.

Бұған дейін зиянкестерге қарсы залалсыздандыру жылына 4 рет жүргізілетін. Енді айына 2 рет ұйымдастырылып, арнайы жабдықталған 20 техника жұмылдырылды. Осылайша, жүздеген гектар аумақты қамтуға болады.

Нұрсұлтан Мұхамеджан, тілші:

- Қазіргі таңда қала көлемінде 5 миллион шаршы метрден астам аумақта залалсыздандыру жұмыстары жүргізілуде. Мамандар масалардың 17 түріне қарсы химиялық өңдеумен қатар биологиялық тәсілдерді де қолданбақ. Негізінен бұл жұмыстар саябақтар мен өзен-каналдардың жағалауында, гүлзарлар мен аллеялардың аумағында бюджет есебінен тегін іске асырылады.

Қансорғыштарды улауға бюджеттен 59 миллион 300 мың теңге бөлінді. Тұрғындардың өтініші ескеріліп, өңдеуге қолданылатын препараттың дозасы мен жұмыс өнімділігі жоспарланды.

Ерлан Әденов, қалалық ауыл шаруашылығы және ветеринария басқармасының бөлім басшысы:

- Тұрғындардың өтініші көптеп түсуіне байланысты, масаның азаймау себептеріне байланысты көптеп түсуіне байланысты біз биылғы жылы 10 рет өткізуді жоспарладық. Масадан бөлек кенеге қарсы, шегерткелерге қарсы жыл сайын дезинсекциялық-дезинфекциялық және кеміргіштерге қарсы дератизациялық жұмыстар жыл сайын жүргізіліп отыр. Оның бәрінің бекітілген жоспары бар. Жоспарға сәйкес кезең-кезеңімен жүргізіліп отырады.

Қала билігі тұрғындардан сақтық шараларына бей-жай қарамауды сұрайды. Дезинсекциялық өңдеу кезінде балаларға абай болып, қоғамдық ортаның санитариялық тазалығына мән беруге шақырады.

Нұрсұлтан Мұхамеджан, Самат Нағашбекұлы