Мәжіліс депутаты Нартай Аралбайұлы жастардың жағдайын айтып , олардың жалақысын көтеру керегін ұсынды, деп хабарлайды Skifnews.kz ақпарат порталы.

Оның сөзінше, Қазақстанда 1 миллионға жуық жас жұмыссыз.

Өтірік статистиканы доғару керек. «Жастар практикасы» бойынша төленетін жалақыны өсіру керек. Бұл бойынша беретін жалақы небәрі 30 АЕК, яғни 117 960 теңге. Бұл айлыққа ешкім жұмыс істегісі келмейді. Өйткені оған өз-өзіңді асырау мүмкін емес. Сондықтан ең болмағанда 30 АЕК-тен 40 АЕК-ке көтеруді ұсынамын. Бұл көп нәрсені шешеді, — деді депутат әлеуметтік желіде жарияланған видеода.

Нартай Аралбайұлы ауылға «Жастар практикасымен» баратын жастарға 45 АЕК беру керегін де көтерді.

Сондай-ақ ол жастардың кәсіп бастауына берілетін кредиттер бюджет тапшылығынан тоқтап қалғанын айтып, оны қайта жалғастыру керек деп санайды.

«Жастар практикасы» бойынша 1 жыл жұмыс істеген жастар кейін бұл бағдарламаға қатыса алмайды. «Зейнетақы қорында ақша бар» дейді. Осы шешімді қайта қарау керек. Кафе, ресторанда қосымша жұмыс істеген жастар мен «Жасыл елде» қызмет еткен жастар «Жастар практикасына» қатыса алмайды. Мұны қайта да қарау керек, — деп айтты мәжілісмен.

Посмотреть эту публикацию в Instagram

Публикация от Нартай Аралбайұлы (@nartay_aralbayuli)