Биыл Ақмола облысының 12 ауылында мәдениет ошағы салынып жатыр.

Құрылысқа бюджеттен екі миллиард теңге бөлінді. Сондай-ақ тозығы жетіп, ескірген мәдениет нысандарына жөндеу жүргізіледі. Биыл 7 ғимарат жаңартылады.

Мың жарымнан астам тұрғыны бар Кенесары ауылында бұрын мәдениет үйі болмады. Ауылдықтар мерекелік шараларды мектепте немесе әкімшілік ғимаратындағы шағын залда өткізеді. Биыл халықтың көптен күткен арманы орындалды. Ауылда 120 орындық жаңа мәдениет ошағы салынып жатыр. Жоба құны 539 млн теңге.

Ғали Байзақов, құрылыс учаскесінің бастығы:

- Жазғы уақытта инженерлік сеттерді тартамыз. Сосын ішкі әрлеу жұмыстары мен шатырын жабамыз. Сондай-ақ абаттандыру жұмыстары жүргізіледі.

Дәл осындай жаңа нысан Қатаркөл ауылында да салынып жатыр. Ондағы құрылыс жұмыстары мамыр айынының ортасында басталды.

Омар Мырзабеков, Қатаркөл ауылының тұрғыны:

- Әрине өте қуаныштымыз. Өйткені біздің ауылда өнерге құштар жас көп. Осыған дейін бізде мәдениет үйі болған. Бірақ ол өте ескі және апатты жағдайда болды. Сондықтан жаңа нысанның ашылуын асыға күтіп жүр.

Ербол Қабаев, құрылыс учаскесінің бастығы:

- Жерге қатысты барлық жұмыс атқарылды. Енді тамыз айына дейін нысанның қабырғасын көтеруді көздеп отырмыз. Қазір құрылыс алаңында 5-6 техника мен 10-нан астам адам жұмыс істеп жатыр.

Қос нысан да жылдың соңында пайдалануға беріледі. Мәдениет ошағы ауылда демесең, іші заманауи жабдықталады, дейді жауаптылар. Онда шығармашылық ұжымдары үшін бөлмелер мен үйірмелер ашылады. Бұдан бөлек аймақта жастарға арналған креативті хаб көбейеді.

Айгүл Сәбитова, облыстық мәдениет басқармасының басшысы:

- 2025 жылы Қазақстан бойынша алғаш рет Қосшы қаласында көпфункционалды, халықаралық стандарттарға сай креативті хаб ашылды. Осы біздің жоба бір күнде 1 мыңнан астам адамды қабылдайды. Енді осы жылы тағы осындай екі креативті хаб ашылады. Зеренді ауданы мен Көкшетау қаласында.

Сонымен қатар биыл өңірде 7 мәдениет нысанына жөндеу жүргізіліп жатыр. Оған облыстық қазынадан 1 жарым миллиардқа жуық қаржы бөлінді. Жалпы аймақта соңғы 3 жылда 87 нысан қалыпқа келтіртілді.

Абзал Азаматұлы, Виктор Полянный