Атырауда шығармашыл жастарды біріктіретін «Atyrau Creative Hub» алаңы ашылды.

Бастама өңірдегі креативті индустрияны дамытуды көздейді. Соңғы жылдары аймақ жастары музыка, театр, бейнелеу өнері секілді салаларда биіктен көрініп жүр. Жаңа алаң өнерлі қыз-жігіттердің креативті орталығына айналмақ. Мұнда кітапхана, шеберлік сағатын өткізетін кеңістік, фотостудия мен өзге де кабинеттер жасақталған. Алдағы уақытта шағын спектакльдер қоюға арналған зал ашылмақ.

Нұрсұлтан Зиядаев, Atyrau Creative Hub жобасының жетекшісі:

- Президентіміздің өзі айтқан болатын креативті индустрияны дамыту керек деп. Себебі біздің Қазақстанда енді бастап жатқанымен, әлемде жақсы дамып келеді. Атырау мұнайдың астанасы болғанымен, онымен қатар таланттардың астанасы. Себебі біздің өңірден талай ақын-жазушылар, әншілер, музыканттар шыққан болатын. Қазір де жастардың арасында таланттар көп. Оларды біз қолдап, әрі қарай идеяларын дамытуға атсалыссақ, сондай біз креативті астана атануымыз әбден мүмкін. Сондай Атыраудың потенциалы бар.