Ақтөбеде екі баласын өлтірген әйелге сот үкімі шықты. 29 жастағы тұрғынға бас бостандығынан айыру жазасы кесілмеді. Өйткені оның психикалық ауруы болғандықтан мәжбүрлі түрде арнайы емдеу мекемесіне жіберіледі. Атырау облысы, Сағыз ауылында тұратын келіншектің бұған дейін де балаларын өлтіруге оқталғаны белгілі болды. Сондықтан жолдасы оның ата-анасына хабар берген. Олар қыздарын екі баласымен бірге Қандыағаш қаласына алып келген. Өкініштісі осы жақта өздері оңаша қалған кезде келіншек 11 айлық және 3 жастағы балаларын тұншықтырып өлтірген. Ол бұған дейін мұғалім болып қызмет атқарған. Соңғы жылдары бала күтімімен үйде отырған. Айыпталушының өзі денсаулығына байланысты сот отырысына қатыстырылмады. Сот-психиатриялық сараптамасының қорытындысына сәйкес оған суицидтік тенденциялары бар паранойдты шизофрения диагнозы қойылған.

Нұрлан Бақтығалиев, судья:

ҚР ҚК 99 бабы, үшінші бөлігінде көзделген қылмыстық бұзушылықты есі дұрыс емес күйде жасаған Гүлжанат Дәулетбайқызы Дәулетбаева қылмыстық жауапкершіліктен босатылсын. ҚК 93 бабы, 1 бөлігі, екінші тармағына сәйкес, Гүлжанат Дәулетбаеваға жіті бақыланатын мамандандырылған психиатрлық ауруханада мәжбүрлі емдеу тағайындалсын.

Жақсыбек Кемал