АҚШ президенті Дональд Трамп пен Украина басшысы Владимир Зеленский осы «Үлкен жетілік» саммиті аясында кездесуі мүмкін. Америкалық Axios басылымының дерегіне сүйенсек, кездесу саммиттің соңғы күні өтуі ықтимал. Өйткені Владимир Зеленский шараға қонақ ретінде Канадаға ертең барады деп жоспарланып отыр. Осыған дейін Америка және Украина басшылары сәуірде Ватиканда Рим папасы Францискті жерлеу рәсімінде жолыққан болатын.

Айта кетейік, бүгін «Үлкен жетілік» елдерінің басшылары Канаданың Кананаскис тау-шаңғы шипажайына жиналып жатыр. Олар Таяу Шығыс пен Украинадағы қарулы қақтығыс, АҚШ тарифтері және Ресей мұнайының бағасын төмендету сияқты ғаламдық мәселелерді талқылайды.