Шымкентте «Тоқты мен Серке» анимациялық фильмінің тұсаукесері өтті.

Бұл «Balapan» телеарнасының 15 жылдығына арналып түсірілген үшінші толықметрлі мультфильм. Осыған дейін «Шоқан. Қашқария сапары» және "Желаяқ" туындылары жарыққа шықты. Ана тіліндегі анимациялық фильмдер — сапалы контентті көбейту мақсатында жасалған қадам, дейді жоба авторлары. Жаңа туынды 3 шілдеден бастап кинотеатрларда көрсетіледі.

Батырхан Дәуренбеков, фильмнің режиссёрі, сценарий авторы:

- Қазір «Тоқты мен Серке» деген сериал жүріп жатыр ғой, бірақ бұл жаңа оқиға. «Ұрлық түбі қорлық» деп аталады. Өйткені біздің әрбір туындыларымызда осындай тәрбиелік мәні бар нәрсе жатады. Бұларды қорадан ұрлап кетеді ғой екеуін. Енді арғы жағын өздеріңіз көресіздер, өте қызықты оқиға.