Астанада Азия Паралимпиада Комитетінің Конференциясы мен VIII Бас ассамблеясы өз жұмысын бастады.

Аталған шара тамыздың Тамыздың 14-не дейін өтеді. Айта кету керек, маңызды жиын тарихта алғаш рет Орталық Азияда ұйымдастырылып, Қазақстанға сеніп тапсырылды. Басқосудың басты мақсаты — алдағы 3 жылға арналған даму стратегиясын айқындау, басқару органдарына сайлау өткізу, жаңа бағдарламаларды бекіту және инклюзивтілік пен тең мүмкіндіктер құндылықтарын ілгерілету. Шараға 45 елден 190-нан астам делегат қатысып жатыр. Олардың қатарында Азия Паралимпиада Комитетінің Президенті Маджид Рашед пен Халықаралық Паралимпиада Комитетінің басшысы Эндрю Парсонс та бар. Жиын барысында параспорттың даму деңгейі мен қатысушы елдер арасындағы серіктестікті нығайту жайы кеңінен талқыланды. Тағы саланы ары қарай ілгерілетуде жасөспірімдер мен әйелдер арасындағы жарыстарға басымдық берілетіндігі туралы айтылды. Ауқымды шара тамыздың 13-і күні Asian Awards марапатымен түйінделмек. Бұл 2 жылда бір рет өткізіліп, спортшыларды, командаларды, жаттықтырушыларды және параспортқа үлес қосқан тұлғаларды марапаттауға арналған маңызды шара.

Маджид Рашед, Азия Паралимпиада комитетінің президенті:

- Кеше біз Азия Паралимпиада Комитеті Атқарушы кеңесінің 38-отырысын өткізіп, бірқатар маңызды мәселелердің басын ашқты. Соның ішінде 2025 жылғы желтоқсанда Дубайда өтетін Азия жасөспірімдер Паралимпиада ойындарын өткізу туралы шешім ерекше мәнге ие. Бұл турнир жас спортшыларға өз қабілеттерін көрсетуге арналған маңызды алаң болмақ. Сондай-ақ ұлттық паралимпиада комитеттерінің әлеуетін арттыруға және барлығын біріктіруге бағытталған тұрақты бағдарламаларды іске асыру жолдары талқыланды. Бұл ретте айта кету керек, Қазақстан – біздің негізгі серіктестеріміздің бірі. Бұл елде паралимпиадалық спорттың қарқынды дамуын байқап отырмыз. Бұл біздің ынтымақтастығымызды нығайту жолындағы маңызды қадам.