"НеМолчи.kz" қоры Алматының 18 жастағы тұрғынына қатысты зорлық жасалғанын хабарлады. Полиция бұл жазбаға қатысты пікір білдірді, — деп хабарлайды Massaget.kz тілшісі.

Қордың мәліметінше, кеше кешкісін Алматыда 2007 жылы туған қыз жоғалып кеткен. Сағат 23:00-де ол көмек сұрап белгі берген. Кейін қыз табылды. "НеМолчи.kz" ақпараты бойынша, оны таксист жігіт алып кетіп зорлаған. Ол бұған дейін қызға көңіл білдіруге тырысқан екен.

Қор мәліметінше, қыз 5 сағат бойы сұралған, кейін бір учаскеден екінші, үшіншісіне барған.

"Прокурор қоңырау шалған соң ғана істі (қылмыстық істі – ред.) Медеу ауданында тіркеуге тырысқандай болды, бірақ сараптамаға жіберуден үзілді-кесілді бас тартты. Сөйтіп қазір ғана сараптамаға кіргізіп жатыр. Қыз жуынбаған, түні бойы полиция бөлімшелерінде жүрді, бәрін шыдап өткерді. Түнде келген мемлекеттік адвокат та ақыры сараптаманы күтпей, бас тартып кетті", – делінген қордың жазбасында.

Бұл жағдайға қатысты Алматы қалалық полиция департаменті пікір білдірді. Ведомствоның хабарлауынша, қылмыстық іс "дереу" Медеу аудандық полициясында қозғалған.

"Күдікті ұсталып, уақытша ұстау изоляторына қамалды. Тергеу әрекеттері қолданыстағы заңнама аясында жалғасып жатыр. Алматы полициясы объектив әрі жан-жақты тергеуді қамтамасыз етеді", – делінген полицияның хабарламасында.

Өзекті жаңалықтарды өз уақытында оқу үшін Facebook парақшамызға жазылыңыз!