« Kazakhstan Petrochemical Industries» (Қазақстан Петрокемикал Индастриз) зауыты жыл санап полипропилен өндірісін арттыруда.

Соның есебінен импорт көлемі 50%-ке төмендеп, елдегі қайта өңдеу зауыттары отандық шикізатты кеңінен қолдана бастады. Өнім медицина, ауыл шаруашылығы, құрылыс пен өзге салаларда қолданылады. Мәселен, Тараздағы кәсіпорындарда полипропиленнен қап, жіп, жәшік сынды заттар шығарып отыр.

Атыраулық Қазақстан Петрокемикал Индастриз кәсіпорыны жылына 500 мың тонна полипропилен өндіреді. Шикізатты 70-тен аса отандық зауыт сатып алып тауар шығарады. KPI зауыты оларға тек өнімді жеткізіп қана қоймай, қайта өңдеу құрылғыларын орнатуға да қолғабыс етуде.

Әсия Телеуісова, KPI Сату бөлімінің маманы:

- Компаниямызда қайта өңдеу зауыттарына арналған арнайы бағдарламамыз бар. Ішкі нарыққа тауарын өткізіп қана қоймай, сырт елге эекспорттауға көмек береміз. Жалпы KPI елдегі өнеркәсіп саласына серпін берді деуге болады. Бүгінде бізбен жұмыс істейтін кәсіпорындар тауар саны мен өндіретін өнім көлемін де арттырып отыр.

Тараздағы бұл зауыт полипропиленнен 1 айда 1 миллион дана қап шығарса, жылына мың тонна жіп өндіреді. Қазір тауарының 95 процентін ішкі нарықта саудалап отыр. Алдағы уақытта экспорт көлемін де арттырмақ.

Бақтияр Серкеев, "Полиэтилен-Агро" ЖШС директоры:

- Біз бір айда KPI зауытынан 50-80 тонна аралығында шикізат аламыз. Полипропиленнен жасалған жіп маусымық тауар болғандықтан, көктем жаз айларында көп тапсырыс қабылдаймыз береді. Жалпы біздің тауарла стандарттарға сай әрі өте сапалы болып шығып жатыр.

Атыраулық зауыттан шығатын шикізаттан аймақта картон да жасалуда. Бүгінде шағын кәсіпорын картон қорабын ел нарығымен қоса Өзбекстан мен Қырғызстанға сатып отыр.

Александр Белькин, KazStoneBox ЖШС директорының орынбасары:

- Өндірісте толық қуаттылықта жұмыс істейтін болсақ, айына 1 миллион қорап шығара аламыз. Атыраудан алатын полипропиленнің сапасы өте жақсы. Одан шыққан қораптарымыз ауыр салмақ пен ылғалға төзімді, сынып кетпейді.

KPI өндірісінде полипропиленнің 11 түрі өндіріледі. Оның бесеуі елде алғаш рет шығып отыр. Соның есебінен аталған шикізат импорты былтырғыға қарағанда 50%-ке азайды.

Мерей Бает, Бақытжан Бапаев, Елдар Байділдә