Жаңару күнінде Таразда «Таза қала – таза аула» акциясы өтті, деп хабарлайды 24KZ. Шара аясында шағынаудан тұрғындары өз ауласын күл-қоқыстан тазартып, тал екті. Алдағы уақытта экологиялық байқау ұйымдастырылып, үздік аула анықталады. Мұндай шара Қаратау, Жаңатас, Шу қалаларында да өтеді. Тазалығы мен көгалдандыруы келіскен үйдің тұрғындарына комақты қаржылай сый табысталады.

Жалпы биыл өңірде санитарлық тазалау, абаттандыру жұмыстарына 8,3 миллиард теңге бөлінді. Бұл қаражатқа тарихи-мәдени ескерткіштерді, саябақтар аумағы мен көшелерді күтіп ұстау жұмыстары жүргізіледі.

Медет Нұрмаханов, Әулиеата ауданының әкімі:

- Жер көлеміміз Әулиеата ауданының 14 585 гектарды құрайды. Оның бәріне мемлекеттік органдар атсалысуы мүмкін емес. Сондықтан тұрғындар да қоғам болып ел болып атсалысатын болсақ, онда қаламыз өте жақсы бір таза қалаға айналады.

Пернехан Бейсалиев, қала тұрғыны:

- Тазалыққа өте біздің ауланың адамдары, жалғыз бүгін емес, сенбілік күні емес, күнде шығып, өздері ауланы таза ұстайды. Қаланың адамдарының бәрі өз аулаларын таза ұстаса, тазалық содан басталады.