АҚШ-тың оңтүстік аймағындағы бірнеше штатында шаңды дауыл соқты. Дүлей желден қозғалыс шектеліп, қашықтан көру қиындады. Салдарынан Нью-Мексико штатында бір мезетте 5 жүк көлігі соқтығысып, 54 адам зардап шекті. Бұл туралы «Рейтер» агенттігі жергілікті БАҚ-қа сілтеме жасай отырып хабарлады.

Олардың айтуынша, қатты дауылдың жылдамдығы кей аудандарда сағатына 113 шақырымға жеткен. Шаңды дауыл кесірінен ағаштар қозғалып, электр желісіне зақым келген. 39 мың үй жарықсыз қалды. Билік шұғыл шара қабылдап, аймақаралық автожолдарды уақытша жапты. Тұрғындарға тысқа шықпай, қауіпсіздік шараларын сақтауға кеңес берді.