Елімізде «Таза бейсенбі» экологиялық акциясы өтуде.

Оның аясында елорда тұрғындары Сарыарқа ауданындағы ескерткіштер аумағында тазалық шарасын жүргізді. Белсенді тұрғындар мұны Жеңістің 80 жылдығына орай батыр бабаларымызға көрсетілген құрметтің бір парасы деп атап өтті. "Amanat" партиясы бастамашылық жасаған шараға "Жастар рухы" жастар қанатының белсенділері мен еріктілері де қатысты. Мақсат – қаланы көркейтуге үлес қосып, экологиялық мәдениетті қалыптастыру.

Талғат Тілес, Amanat партиясы Сарыарқа аудандық филиалының атқарушы хатшысы:

- Биылғы жылы өздеріңізге белгілі ҰОС 80 жылдығына орай барлық біздің аудандағы және Астана қаласындағы ескерткіштерге тазалық жұмыстарын ұйымдастыруды қолға алдық. Акция тұрақты түрде мамыр айына дейін жалғасады. Бұл жердегі мақсат — өскелең ұрпаққа жастарға Ұлы Жеңістің маңыздылығын, бабалар ерлігін паш ету болып табылады.