Өзбек халқы да әз-Наурызды кең көлемде тойлап жатыр, деп хабарлайды 24KZ. Әсіресе ел астанасы Ташкент қаласында мереке көркі қызып тұр. Шаһардағы саябақтарда ұлттық тағамдар пісіріліп, келушілерге сумаляк асы таратылды. Ташкенттегі наурызды тамашалау үшін жан-жақтан арнайы келген туристер де көп.

Биыл ала шапанды ағайын шығыстың жаңа жылына тыңғылықты дайындалды. Жалпыреспубликалық асар ұйымдастырылып, ауыл-аймақ, қала көшелері күл-қоқыстан тазартылды. Ташкенттегі наурыз паркінде бүгін адам қарасы қалың. Ұлттық тағамдар әзірленіп, спорттық сайыстар өтіп жатыр.

Сауалнама:

- Келіп жеткен Наурыз мерекесімен Қазақстан Республикасын, Өзбек халқын шын жүректен құттықтаймын! Жылдан-жылға аман-есен жете берейік. Бастысы тыныш заман болсын.

- Наурыз мейрамын тойлауға немерелерімді ертіп Ташкентке келдік. Өзім Ферғанадан болам. Жаңа жылда айтар тілек көп. Бастысы бейбіт заман болсын. Елімізді тіл-көзден сақтап, той думан жалғассын.

- Барлық өзбек халқын Рамазан айымен, Наурыз мерекесімен құттықтаймын! Аспанымыз ашық, көрші мемлекеттермен достығымыз мәңгі болсын!

- Ұлыс күнінде қауіпсіздікке аса мән берілген. Ел бойынша 20 мыңнан астам құқық қорғау органдарының қызметкерлері тәртіпті қадағалауға жұмылдырылды. Мереке 4 күнге жалғасады.

Авторы: Дулат Нуркин