0:00:00

Жаңалықтарды Telegram арнамыздан оқыңыз!

Әлеуметтік желі – ақпарат алмасу мен қарым-қатынас жасаудың үлкен құралы. Алайда оны дұрыс пайдаланбаудың зардабы бар. Ұлттық Құрылтайда Мемлекет басшысы әлеуметтік желілерде адамға тіл тигізу, ар-намысын аяққа таптау көбейгенін айтты. Сондықтан жазаны күшейту мәселесі қаралмақ. Көзі қарақты көрермен де әлеуметтік желіде байыпты пікір айтқан жөн деп санайды.

Сауалнама:

Теріс пікірлерін айтады, адамға тіл тигізіп, ар-намысын таптап отыратындар бар. Негізінде осы айтылған сөздердің жаңағы адамға қалай әсер ететіні жайында ойламайды. Бәлкім осы жалған ақпарат бір жазықсыз адамның өмірін бұзып жатқан болар немесе дәл осы айтылған пікір адамның өмірін тоқтату шешіміне алып келген болар. Негізінде бұл өте үлкен жауапкершілік. Әр адам әлеуметтік желіде өз ойын, тілін тыю керек деп ойлаймын белгілі бір кездерде.

Әлеуметтік желіні дұрыс пайдаланбауымыздың арты үлкен қауіп-қатерге алып келуі мүмкін.

Алтай Тайжанов, философия ғылымдарының докторы, профессор:

Алдыңғы қатарлы ел болу үшін, дамыған ел болу үшін бізге білім керек деді, ғылым керек деді, әлемдегі білім мен ғылымның жетістіктерін, соларды қолдана білуіміз керек деді. Бұл өте дұрыс айтылған әңгіме деп есептеймін. Өйткені қазіргі 21 ғасырда төр тек білімді елдікі, біліммен айналысқан елдікі.

Аягөз Оралбайқызы