Мьянманың орталық аймағында 7,7 балдық жер сілкінісі болды. Алғашқы тербелістен кейін 12 минут өткен соң дүмпу 6,4 балдық күшпен қайталанды.

Зілзала ошағы Мандалай қаласынан 17 шақырым жерде тіркелді. Жер сілкінісінен шіркеу ғимараты мен кейбір тұрғын үйлердің қабырғалары бүлінген. Зардап шеккендер мен жарақат алғандар туралы нақты ақпарат жоқ. Елде төтенше жағдай жарияланды. Мьянмадағы зілзаланың қатты болғаны соншалық жер сілкінсі Таиландта да сезілді.

Қатты думпуден ел астанасы Бангкокта құрылысы аяқталмаған ғимарат құлап, адамдарды басып қалған. «Рейтер» агенттігінің хабарлауынша, үйінділер астында 67 адам қалып қойған болуы мүмкін. Қазір құтқару операциясы жүріп жатыр. Сондай-ақ дүмпудан кей көпқабатты кешендердің төбесіндегі бассейндерден су жерге төгілген. Зілзаладан қаза тапқандар туралы ақпар жоқ.

Сириния Накаута, жергілікті тұрғын:

- Бөлмемде ұйықтап жатқам. Төсегім тербеліп, оянып кетіп, жан-жағыма қарасам, бөлмедегі бүкіл заттар шайқалып тұр. Балаларымды алып, үстелдің астына жасырындық. Жер сілкінісі тоқтаған жоқ. Қайта күшейе түскендей болды. Сосын балаларымды алып дереу сыртқа шықтым. Үрейден әлі ес жия алмай тұрмын.