Алматыда әуежай қызметкерін кепілге алған адам ұсталды.

Бұл туралы халықаралық әуежайдың баспасөз қызметі хабарлады. Оқиға бүгін сағат 11:45-те ішкі рейстер терминалында болған. Ұшу алдындағы тексеру аймағына жолаушы ретінде келген белгісіз ер адам Авиациялық қауіпсіздік қызметкерінің құжатыңызды көрсетіңіз деген талабын орындаудан бас тартқан. Ізінше қызметкерді шашынан алып қасындағы адамдарға пышақ кезеген. Жеті минуттан кейін желідегі полиция бөлімінің мамандары ер адамды ұстап, қарусыздандырды. Қазіргі уақытта күдікті Желідегі полиция бөліміне жеткізілді. Аталған іспен құқық қорғау органдарының қызметкерлері айналысып жатыр.