Елде қытайлық инвесторлардың қатысуымен 50 мыңға жуық жұмыс орыны ашылды .

Қазір жалпы құны 66 миллиард доллардан асатын 200-ден астам индустриялық жоба жүзеге асырылып жатыр. Бұл туралы Премьер-министрдің төрағалығымен өткен қазақ-қытай келісімдерін жүзеге асыру бойынша кеңес отырысында айтылды. Олжас Бектенов Қытай Халық Республикасы төрағасының таяудағы Қазақстанға жасаған сапары, ынтымақтастыққа елеулі серпін бергенін атап өтті. Бірлескен жобалардың жүзеге асырылуын бақылауға алып, оларға толық қолдау көрсетіледі, деді. Жиын соңында Үкімет басшысы мемлекеттік және жергілікті атқарушы органдарға аталған жобаларды сүйемелдеу мен тағы бірқатар тапсырма жүктеді.