Ұлытау облысында жыл басынан бері 700-ге жуық тұрғын прокуратура органдарына шағым түсірген, деп хабарлайды 24kz.

Бұл былтырғы жылмен салыстырғанда анағұрлым төмен. «Тұрғындарды толғандырған мәселенің басым бөлігі қаланы абаттандыруға қатысты», — дейді прокурорлар. Бүгін өткен қабылдауда да қоғамдық тәртіп пен тазалыққа қатысты шағымдар айтылды. Ашық есік күніне прокуратура қызметкерлерімен қатар полиция мен антикор өкілдері қатысты. «Заң мен тәртіп» қағидасын нығайтуға бағытталған шаралар алдағы күндері облыстың өзге де қала-аудандарында жалғасады.

Мирас Сәруар, облыс прокурорының аға көмекшісі:

- Іс-шара барысында жергілікті тұрғындар әлеуметтік көмек, еңбек даулары, жер қатынастары, қылмыстық және әкімшілік істерге байланысты өздерінің мәселелері бойынша заңды көмек алды. Біздің міндетіміз – әрбір азаматтың өтінішіне мұқият қарап, әділ шешім қабылдау.