Елімізде «Республикалық референдум туралы» заң ширек ғасыр бұрын қабылданды .

Бірақ осы кезге дейін көптеген себеппен бүкіл халық өзекті мәселелер бойынша дауыс берген жоқ. Азаматтар ел тағдырына қатысты өздерінің ой-пікірін, көзқарасын ашық білдіргісі келген. Мемлекет басшысы ғылыми-тәжірибелік конференцияда осылай деп, қоғамның бұл бағыттағы сұранысы ескерілгенін айтты. Сондықтан референдум өткізу туралы бастаманы халық бірауыздан қолдады. Қазіргі таңда «Мемлекеттік биліктің бірден-бір бастауы — халық» деген Конституцияның бабы нақты жүзеге асырылды. Былтырғы Атом электр стансасын салуға қатысты өткен референдум соның айқын дәлелі, деді Қасым-Жомарт Тоқаев.