Елдің көп бөлігінде тоң енді жібіп жатыр .

Әсіресе солтүстік пен арқа өңірінде қалың. «Қазгидрометтің» болжамына сүйенсек, Қостанай, Ақмола және Павлодар облыстарында тоңның қалыңдығы 1,5 метрден асады. Қарағанды облысында 143 см. Алайда былтырғы тоңмен салыстыруға келмейді. Мәселен, былтыр Павлодар облысында тоң 218 см-ге дейін жеткен. Қазір оңтүстікте тоң ақырындап жіби бастады. Айта кетерлігі, биыл жауын-шашын солтүстік пен шығыста нормадан көп түскен. Бұл тізімде Шығыс Қазақстан, Абай, Жетісу, Қарағанды, Ақмола, Солтүстік Қазақстан мен Қостанай облыстары бар. Бұдан бөлек Атырау, Маңғыстау мен Ақтөбе облыстарының кейбір бөліктерінде қар әдеттегіден көп.

Ұлжан Мажен, Қазгидромет РМК Гидрологиялық болжамдар басқармасының жетекші инженері:

- Топырақтың күзгі ылғалдылығының көрсеткіштерін, суық кезеңдегі жауын шашын мөлшерін, топырақтың қату тереңдігін, топырақ бетіндегі мұз қабағының болуы, сондай-ақ өзендердің мұз режимдерін талдай отырып, су тасқыны қаупі бар өңірлерге алдын ала баға берілді. Жоғарғы қаупі бар аймақтар: Шығыс Қазақстан, Абай, Қарағанды, Ұлытау, Ақмола, Солтүстік Қазақстан, Қостанай және Ақтөбе облыстары.

«Қазгидромет» наурыз айы жылы болатынын хабарлайды. Сынап бағаны республиканың басым бөлігінде әдеттегіден 2 градусқа жоғарылайды. Жауын-шашын да елдің басым бөлігінде мол түседі. Тек елдің оңтүстігі мен батысында ғана норма шамасында болады.