Елде отандық тауарлардың тізілімі жасалып, бірыңғай базаға біріктіріледі.

Бүгін Мәжілісте тауарлардың шығарылған елін айқындау мәселелері туралы заң екінші оқылымда қабылданды. Ақпараттық жүйеде қазақстандық өндірушілер мен тауарлар туралы толық мәлімет болады. Бұл кәсіпкерліктің дамуы мен мемлекет қаражатын ұтымды пайдалануды қамтамасыз етеді, -дейді комитет мүшелері. Жалпы бұған дейін тауар өндірушіге сертификаттарды "Атамекен" ұлттық кәсіпкерлер палатасы беріп келген. Енді бұл міндет Өнеркәсіп және құрылыс министрлігінің құзіретіне берілді. Ал бүгінге дейін берілген «CT-KZ» нысанындағы сертификаттар мен индустриялық сертификаттар 2026 жылдың 1 қаңтарында жұмысын тоқтатады. Жаңа ережелер бойынша кәспкерлер өз өтінішіін онлайн тапсырып, 10 жұмыс күні ішінде жауап ала алады.

Мұқаш Ескендіров, ҚР Парламенті Мәжілісінің депутаты:

- Цифрлық верификация арқылы мониторинг 3 айда бір рет жүргізіледі. Өндірушілердің өндіріс жағдайларының орындалуын бақылаудың тиімділігін, олар мәлімдеген мәліметтердің құжаттардың дұрыстығын артыруға бағытталған түзетулер енгізілді. Ол Өнеркәсіп және құрылыс министрлігі және салалық мемлекеттік органдар салалық қауымдастықтарды тарта отырып өндірісті бағалауды жүзеге асырады. Ұсынылған мәліметтер негізінде өндірісті бағалау мүмкін болмаған жағдайда көшпелі инспекциямен жүзеге асыратын болады.