Желіде әнші Ұланғасыр Қамидің бала кезінде зорлық-зомбылыққа ұшырағаны туралы қауесет тарады, деп хабарлайды Sn.kz ақпарат порталы.
Әлеуметтік желіде талқылауға әншінің қатысуымен түсірілген «Қызыл раушан» фильмі себеп болған. Картинаны көрген желі қолданушыларының бірі фильмдегі оқиғаға сүйеніп, Ұланғасыр Қамидің өміріне қатысты болжам жасаған.
«Қызыл раушан киносынан шықтық. Шоктың үстіне шок. Сонда Ұланғасыр Қами бала кезінде зорланған болып тұр ғой. Бәсе, өзі де біртүрлі еді», – деп жазды ол.
Көп ұзамай әншінің өзі де тараған әңгімеге қатысты пікір білдірді. Оның айтуынша, фильмде осындай оқиғаға тап болған кейіпкердің бейнесін сомдаған. Алайда бұл оның өмірбаянына қатысы бар дегенді білдірмейді.
«Желіде „Ұланғасыр Қами бала кезінде зорланған ба?“ деген қауесет тарап жатыр екен. Мұны фильмге барған адам жазыпты. Әнші болып жүргенде той әндерін неге шығара береді деп еді. Фильмде де солай екен. Комедия түсіре берсең, қарайды, ал драма түсірсең, бармайды. „Қызыл раушанды“ да менсінбей жатыр, бірақ фильмді көрген адамдар қатты әсерленуде.
Ал әлгі әңгімеге келсек, иә, мен сондай образды сомдап шықтым. Басты рөлде ойнаған жоқпын, сондықтан күмән туындауы мүмкін. Мұны түсіну үшін киноға барыңыздар. Өз ойларыңызбен бөлісіңіздерші», – деді әнші.
Дереккөз: Skif News · Назым Сапар
