Танымал дизайнер Назым Қарпықова Мақпал Жүнісованың Садраддин Болаттың сахналық киіміне қатысты сынына жауап берді, деп хабарлайды Sn.kz ақпарат порталы.
Бұған дейін әншінің сахналық образы әлеуметтік желіде қызу талқыланған еді. Қазақстанның Халық әртісі Мақпал Жүнісова да өз пікірін білдіріп, дизайнерлердің жұмысына сын айтқан.
«Осы костюмді тігіп бергендер оңбайды, обал-ай», – деп жазды әнші.
Ал Назым Қарпықова Мақпал Жүнісованы жақсы көретінін айтып, оның пікірін құрметтейтінін жеткізді.
«Мақпал апайды жақсы танимын, жақсы көремін. Ол кісіге де талай көйлек тіктік, әлі талай тігеміз. Ол кісіге не айтса да жарасады. Үлкен кісілердің пікірін қабыл аламын. Сол костюмді алып, Мақпал апайға: “Ойыңызды өзгертіңіз, неге олай жаздыңыз?” деп көрсететін шығармын», – деді дизайнер.
Дереккөз: Skif News · Марина Ахметжанқызы
