Актриса әрі әнші Перизат Алпыс отбасында орын алған оқиғаларымен бөлісіп, тіпті баласынан бас тартпақ болған кезін есіне алды. Бұл туралы ол журналист Айнұр Асанбердіге берген сұхбатында айтты, деп хабарлайды Sn.kz ақпарат порталы.
”Күшті өмір сүріп бастадық, тойларға барамыз. Ол әнші, кафеде жұмыс істейді. Үйде тамақ істейміз, кейде оның кафесінде ішеміз, рахат өмір. Жағдайымыз жақсы болып келе жатқандай, пәтерімізге төлей аламыз, киім ала аламыз. Түнде ол жұмыстан келеді де компьютерлік ойын ойнайды. Талай ұрыстар болды. Шыны керек, жүкті болып жүрген кезде мұздың үстіне тұрып алып “балам түсіп қалса екен” деп секіретінмін”, — деді актриса.
Сондай-ақ, актриса екінші рет тұрмысқа шығып одан да кейін ажырасып кеткенін айтты.
”Мен ажырасайын ба, ажыраспайын ба деп ойландым. Қызымның әдемі ханшайымдай өмірін жұлып кетіп бара жатқандай боламын. Баламды ойлап ажырасайын десем қызымның әдемі толыққанды отбасынан айырайын деп тұрмын. Ал баламды ойламай, қызымның толыққанды отбасына қарайын десем анау жақта балам күйреп жатыр. Сол күні мені баққан әжем түсіме кіреді. Маған қаһарлы болып “не деген анасың сен, ұятсыз. Ойлмайсың ба ана балаңды. Балаңның не болып жатқанын білесің бе” деп ұрысады. Содан кейін ойланбастан заттарымды жинап кеткен болатынмын”, — деді Перизат Алпыс.
Дереккөз: Skif News · Лунара Арынбек
