Продюсер Гүлзира Айдарбекова келіні Жұлдыз Әбдікәрімованың өнердегі жолын ашуға қалай көмектескенін айтты, деп хабарлайды Sn.kz ақпарат порталы.
Оның сөзінше, Жұлдыз төрт баладан кейін шығармашылыққа қайта оралып, бастапқыда Қайрат Нұртаспен дуэт орындап, концерттер мен тойларда ән айтқан. Алайда продюсер келінінің мамандығы бойынша актриса екенін ескеріп, осы бағытта танылуына жағдай жасауды жөн көрген.
«Менің Жұлдыздың жұлдызын жандырсам деген арманым болды. Ол бірінің артынан бірін босанды ғой. Төрт баладан кейін етек-жеңін жинады. Оған дейін мен Қайраттан босағаным жоқ. Жұлдыздың әкесінің туған күніне барғанда уәде бердім. Бұйырса, Жұлдыздың жұлдызын жандырып, шығарамын. Қайратпен дуэт жаздырып, концерт, тойларда ән айтып жүрді. Бірақ одан өзімнің балам сияқты атақты болып кеткен жоқ. Басқа жолдарын ойлап, бір жыл жүгірдім. Оңай болған жоқ. Жұлдыз мамандығы бойынша актриса ғой, сондықтан сол жолмен жүрсін деп ойладым. Балаң үшін істегеніңді келінің үшін неге істемеске? Келін деген – өміріміздің жалғасы, ұрпағыңның анасы емес пе? Сол үшін бар күшімді салдым», – деді Гүлзира Айдарбекова.
Дереккөз: Skif News · Марина Ахметжанқызы
