Колумбиялық әнші Шакираның концертіне билет ресми түрде сатылымға шықты. Бағасы 60 мың теңгеден басталатын әлемдік жұлдыздың концертін қырғызстандықтар тамашаламақ, деп жазады Sn.kz ақпарат порталы.
Бұл оның Орталық Азияға алғашқы сапары. Әйгілі латын әншісі Бішкекте өзінің Las Mujeres ya no lloran World Tour әлемдік туры аясында өнер көрсетеді.
Концерт 18 қазанда өтеді. Бұл туралы Қырғызстан Президентінің Іс Басқарушысы Қаныбек Туманбаев мәлімдеді. Билеттердің құны – VIP-аймақта 120 000 сомға дейін (603 445 теңге) болса, алыстағы орындар 12 000 сомнан басталады (60 мың теңге).
Бұған дейін Қырғызстанның БАҚ-да Шаки́ра Изабе́ль Меба́рак Рипо́льдың концертін өткізу мәселесі туындағанын хабарлаған.
Қырғызстандық продюсерлер ел Президентінің Іс басқармасы өз кезегінде делдалды тартқан қазақстандық компаниямен концерт ұйымдастыру бойынша келіссөздер жүргізіп жатқанына наразы болды. Продюсер Ислам Сатаровтың айтуынша, Бішкекте Канье Уэст концерті де өтуі керек еді. Оның айтуынша, американдық әншінің ақысы шамамен 5 миллион долларды құраған, ал қырғыз тарапы оны төлеуге дайын болған. Алайда, қазақстандық ұйымдастырушылар әншіге 2 млн долларға артық ұсыныс жасап, нәтижесінде Канье Уэст Қырғызстанға бармай қалған.
Дереккөз: Skif News · Марина Ахметжанқызы
