Жыл басынан бері елорданың тұрғын үй секторында мыңнан астам өрт оқиғасы тіркелген.

Төтенше жағдайлар министрлігінің ақпараты бойынша оттың тұтануына негізгі себеп — уақтылы тазартылмайтын пештер, мұржалар, қосулы күйінде қалатын электрлі жылытқыштар. Қазандықтар мен басқа жылыту құрылғыларының істен шығуы адам өмірі үшін қауіпті. Мұның соңы газдан улануға әкеп соқтырады. Жылыту маусымы кезінде жүзден астам оқыс оқиғаның соңы қайғылы аяқталған. Сондықтан өрт сөндірушілер сақтық шараларын қолға алып арнайы датчиктерді орнатуға шақырады.

Ерлан Төрегелдиев, ҚР ТЖМ Өртке қарсы қызмет комитеті төрағасының міндетін атқарушы:

- Статистиканы келтірсек, жыл басынан бері тұрғын үй секторында 1138 өрт шықты. 52 адам қаза тапты. Оның алтауы балалар. 50 адам жарақат алды. Оның сегізі балалар. Өрт кезінде топтық адам өлімі жалғасуда.