Әкімдіктердің баспана кезегін жүргізудегі кей міндеті шектеліп , Отбасы банктің құзыреті кеңейтіледі.

Тұрғын үйді бөлу, азаматтарды тіркеу мен есепке алу аталған институтқа жүктелмек. Биыл 25 мамырдан бастап тұрғын үй саясатын реформалау заңы күшіне енеді. Соған сәйкес, Отбасы банкінде тұрғын үймен қамту орталығы құрылып, мемлекеттік деректер базасымен біріктіріледі. Осылайша баспанасыз жүргендер туралы мәліметке қол жеткізілмек. Яғни қай санатта екеніне қарамастан соңғы 5 жылда үйге мұқтаждар тізімі бекітіледі. Бірінші кезекте кіріс деңгейі ескеріліп, табысы неғұрлым төмен болса, соғұрлым мемлекет тарапынан қолдау көрсетіледі. Әлеуметтік жағдайына қарай 70 пайызға дейін жалдамалы және кредиттік үй беру көзделген.