АҚШ вице-президенті Джей Вэнс 28 наурызда Гренландияға барады.

Осы мақсатта жоғары деңгейдегі делегация жасақталған. Бұл туралы Вэнс әлеуметтік желідегі парақшасында хабарлады. Естеріңізге сала кетейік, Ақ үй басшысы Дональд Трамп "АҚШ Гренландияны басып алуы керек. Бұл үлкен арал АҚШ ұлттық қауіпсіздігі үшін маңызды" деп бірнеше рет мәлімдеген болатын. Бұған Гренландия мен Дания үкіметтері қарсылық білдірді. Сауалнамалар Гренландия тұрғындарының барлығы дерлік АҚШ-қа қосылуға қарсы екенін көрсетті.

Джей Вэнс, АҚШ вице-президенті:

"Гренландияның солтүстік-батыс жағалауындағы күзетшілеріміздің жағдайын көріп қайтқым келеді. Сондай-ақ Гренландияның қауіпсіздігіне қатысты не болып жатқанын тексеремін. Бұл шынымен өте маңызды міндет. Гренландияға, оның су жолдары АҚШ пен Канадаға қауіп төндіріп тұрған көптеген елдер бар. Мен президент Трамптың атынан сөйлей отырып, біз Гренландия халқының қауіпсіздігін нығайтқымыз келетінін айтқым келеді. Өйткені бұл бүкіл әлемнің қауіпсіздігін қорғау. Өкінішке орай, АҚШ пен Даниядағы көшбасшылар Гренландияны ұзақ уақыт бойы назардан тыс қалдырып келді деп ойлаймын".