Дональд Трамп әкімшілігі бюджетті мейлінше үнемдеуге көшкен сыңайлы.

Өйткені АҚШ Дүниежүзілік сауда ұйымын қаржыландыруды тоқтатты. Мұны халықаралық «Рейтер» агенттігі хабарлап отыр. Құрама Штаттары 2024 және 2025 жылдарға ақша аударуы тиіс болған. Кейбір ақпарат көздеріне қарағанда, қазір Дональд Трамп әкімшілігі Дүниежүзілік сауда ұйымынан шығуға белсенді түрде дайындалып жатыр. Айта кетейік, 2024 жылы аталған ұйымның бюджеті 232 млн долларға жетті. АҚШ осы қомақты қаржының 11 пайызын төлеуі тиіс болатын.