АҚШ Сириядағы 8 әскери базасының алтауын жабады.

Тағы біреуін америкалықтардың одақтасы – «Сирия демократиялық күштері» атты күрдтердің әскери альянсының бақылауына тапсырды. Сөйтіп Араб республикасында АҚШ-тың тек бір ғана базасы қалады. Қазір Вашингтон біртіндеп жауынгерлерін алып кетіп жатыр. Осы күнге дейін 2 мың әскери қызметкердің 500-і шығарылған. Алдағы екі айда қысқарту мәселесі тағы қарастырылуы тиіс. Қалай болғанда да әскери базада кемі 500 жауынгер қалдырылмақ. Ресми Вашингтонның мәлімдеуінше, американдықтардың ұзақ жылдар бойы Сирияға қатысты ұстанып келген саясаты нәтижесін бермеген. Сондықтан оны өзгерту керек дейді. Жақында Дональд Трамп Араб республикасына салынған санкцияларды алып тастады.