Израиль билігі Газа секторына қарай бет алған Грета Тунберг флотилиясына тиесілі гуманитарлық жүк тиелген кемені тоқтатпақ . Бұл туралы The Jerusalem Post хабарлады.

Швециялық климат белсендісі Грета Тунберг бір топ адамды жинап, өткен аптаның соңында Италияның Сицилия аралынан желкенді кемемен сапарға шыққан болатын. Оның жанында Франция, Швеция азаматтары, сондай-ақ Еуроодақтың дипломаты да бар. Олар Газа секторына гуманитарлық көмек жеткізуге ниетті.