Ұйым мүшелері оқушыларға отбасы құндылығын дәріптеп, түрлі тәрбие сағаттарын өткізеді.

Білім ошағындағы шараларға да тұрақты түрде қатысады. Сейітжан Оспанов 8 баланың әкесі. Жұмысы қауырт болса да жанұясына көп көңіл бөлуге тырысады. Қолы қалт етсе балаларымен серуендеп, әке қамқорлығын көрсетеді. Түрлі үйірмелерге апарып, әрқайысының жанынан табылады.

Сейітжан Оспанов, қала тұрғыны:

- Әкенің орыны өте ерекше. Тек қана әке жұмыс істеп, ақша тауып, бала-шағаға материалдық тұрғыдан ғана емес, біздің қазақта «әке – асқар тау» деген бар ғой. Өйткені ол ұл болсын, қыз болсын әкенің тәрбиедегі орыны өте ерекше. Сондықтан әрбір ата-ана, оның ішінде әке өзінің перзентіменен белгілі бір күндерде, белгілі жұмыстан уақытын бөліп, балаға көңіл бөлу керек.

Тәрбие тал бесіктен басталады. Сондықтан кез келген әке отбасын қамын ойлаумен қатар баланың тұлға болып қалыптасуына атсалысуы керек.

Ғалымбек Бермағанбетов, мұғалім:

- Әке жақсы әке болу үшін тек қана қаржылай, әрине бұл міндет әкеде жатыр. Бірақ әке бұлардың ақшасын тауып берсем менің жұмысым бітті деп ойламау керек. Ол әлемді таниды. Ол үлкен жетістіктерді таниды. Әкесімен жақсы қарым-қатынаста болған бала өмірдегі проблеммаларды шешуді үйренеді.

Белсенді әке әрі мұғалім Ғалымбек Бермағанбетов өзінің осы сөзін іс жүзінде де дәлелдеп жүр. Себебі 13 жастағы ұлымен дос ретінде сырласады. Баласы да асқар тауын үлгі етіп, мақтан тұтады.

Әзиз Темірбек, оқушы:

- Менің әкем өте дана адам. Маған кейбір кезде үлкен көмек көрсетеді. Сабақ оқығанда кейбір есептерді шығаруға көмектесуі мүмкін.

Бір балаға әкенің тәрбиесін 100 мектеп те бере алмайды. Енді осы бағытта әкелер кеңесі белсенді атсалысып, өңірде келелі іс-шаралар ұйымдастыруға ниетті. Әсіресе әкелердің қоғамдағы ролін күшейтіп, олардың бала тәрбиесіндегі белсенділігін арттыру көздейді.

Абзал Азаматұлы, Катерина Попкова