Париждегі әйгілі Лувр мұражайы тоналды.

Оқиға бүгін таңертең болған. Билік жоғалған экспонаттар жайлы әлі нақты мәлімет бермей отыр. Францияның ((TF1)) ТэЭф 1 телеарнасының хабарлауынша, мұражайды жұмысшылардың киімін киген бірнеше адам тонаған. Олар терезелерді сындырып, Наполеон коллекциясындағы асыл тастарды ұрлап, оқиға орнынан із суытқан. Қазір мұражай уақытша жабық, тергеу жүріп жатыр. Айта кетейік, бұған дейін мұражайда ұқсас жағдай болған. 1911 жылы Луврдан әйгілі «Мона Лиза» картинасы ұрланған еді. Кейін ұрының мұражай қызметкері екені анықталды.