Ұлыстың ұлы күні Наурызды атап өту деңгейі елде жылдан жылға кең сипат алып, бірнеше күн тойлау мәдениеті қалыптасып келеді.

Ұлттық дәстүріміз бен құндылықтарымызды айшықтайтын төл мерекені халық асыға күтетіні анық. Әр отбасының бұл күнді өткізудегі өз дәстүрі де болуы мүмкін. Халық Наурызға дайындықты неден бастайды және қалай тойлайды?

Блиц 1:

- Ең бастысы Наурыз көже істейміз. Бұл Наурыздың символы болып саналады. Туыстарымызбен жиналып, үйде отырып, дастархан жайып, туыстарымызбен қарсы аламыз.

Блиц 2:

- Негізі қыстан кейін өздеріңіз білесіздер ғой енді, адам шаршайды, көктемді күте-күте, аңсап, отбасымызбен жиналамыз. Сосын жақын туыстармен хабарласамыз. Телефон соғамыз, амандықтарын сұрап.

Блиц 3:

- Жарқын мереке менің отбасым үшін. Гүлденіп, әрленіп, әдеміленіп шығамыз. Көрші-қолаңды аралаймыз, жаңадан көшіп келген көршілерімізге барамыз, танысамыз, білісеміз. Сөйтіп, мерекені мерекеге ұластырамыз.