Газа секторында Израильдің 18 наурызда қайта бастаған әуе соққыларынан қаза тапқандар саны 792 адамға жетті.

Бұл туралы анклавтың Денсаулық сақтау саласының өкілдері мәлімдеген. Кейінгі 24 сағат ішінде 62 палестиналық бақилық болып, 269-ы жараланды. Израиль билігі осы айда ХАМАС қозғалысы мен басқа ұйымдамдардың 150-ден астам мүшесінің көзі жойылғанын хабарлаған.

Британиялық Financial Times басылымы: «Израиль әскері ХАМАС-ты толық күйретіп, Газа секторын біржола басып алу жоспарын құрды», — деп жазды. Кеше ғана Израиль парламенті 169 миллиард долларға жуықтайтын биылғы бюджетті бекіткен. Елдің Қаржы министрі: «Бұл қаржы соғыс жүргізудің барлық шығынын жабады», - деп мәлімдеді.