Еліміздің 10 облысында коммуналдық гидротехникалық құрылыстарды пайдалану және басқару бойынша мамандандырылған ұйымдар құрылды . Бүгінде олардың иелігіне 800-ден астам нысан өтіп, 200-дей арнайы техника беріліп, 900-ден астам маман жұмысқа қабылданды.

Жаңа мекемелер Ақмола, Ақтөбе, Атырау, Батыс Қазақстан, Солтүстік Қазақстан, Қостанай, Қызылорда, Павлодар, Абай және Жетісу облыстарында ашылды. Осылайша елдегі коммуналдық гидротехникалық құрылыстарды пайдалану және басқару жөніндегі мамандандырылған ұйымдардың жалпы саны 16-ға жетті. Қазір Су ресурстары және ирригация министрлігі жаңадан құрылған мекемелердің міндеттері мен өкілеттіктерін реттеу үшін нормативтік-құқықтық базаны жетілдіру үстінде.