Жасөспірімдер кибербуллингке жиі тап болады. Елордалық оқушылар арасында жүргізілген сауалнама нәтижесі осындай. Бұл туралы сараптамалық кеңес отырысында мамандар мәлімдеді.

Қала мектептерінде «Стоп буллинг» жобасы жалғасып жатыр. Екі кезеңнің әрқайсысында 100 мыңнан астам жасөспірім қамтылған. Кеңес отырысында буллингтің себебі мен салдары зерделеніп, алдын алу шаралары талқыланды.

Баян Жалмағанбетова, ҚР Адам құқықтары жөніндегі уәкілдің Астана қаласы бойынша өкілі:

- Бұл жерде ең көп көрсеткіш... Кибербуллинг дейміз ғой, көп қысым көрсетіп жатыр. Бұл мәселе қазіргі қоғамда айрықша мәнге ие. Бұл жалпы білім беру жүйесіне де теріс әсерін тигізеді. Осы бағыттағы әрқайсысымыздың ұсыныстарымыз бен пікірлеріміз үлкен рөл атқарады деп ойлаймын.