Ақтөбеде «Салауатты ұрпақ – ұлт байлығы » форумы өтті, деп хабарлайды 24KZ. Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен ұйымдастырылған алқалы жиын биыл халықаралық деңгейге жеткен.

Мектеп пен колледж директорлары, тәрбие ісіне жауапты мамандарға отандық ғалымдармен қатар Ұлыбритания, Әзербайжан және Өзбекстан университеттерінің профессорлары дәріс оқыды. Сарапшылар жастардың әлеуеті мен әлеуметтік жауапкершілігі, психоэмоциялық тәуекелдер мәселелерін талқылады. Жаһандық өзгерістер сапалы білім берумен қатар өскелең ұрпақты психологиялық тұрғыдан қолдау жүйесін қалыптастыруды талап етеді. Сондықтан ұстаздарға тұрақсыз жағдайларға бейімдеу стратегиялары ұсынылды.

Нарқозы Қартжан, Қ. Жұбанов атындағы Ақтөбе университетінің проректоры:

- Сессиялық отырыстардың нәтижесінде осы аудитория кері байланыс беру арқылы нақты ұсыныстарды дайындап, министрлікке ұсынамыз. Жалпы бұл ұсыныстар енді болашақтағы мәселелердің алдын алуда, профилактика жолында нақты бір қадамдарға бастау болады, заңнамалық негізде жүзеге асады деген ойдамыз.