Walt Disney компаниясы жүздеген қызметкерін қысқартады. «Рейтер» агенттігінің мәліметі бойынша бұған алпауыт компанияның цифрлық контентке көшуі себеп.

Қысқарту әлемнің түрлі бөлімдерінде, соның ішінде маркетинг, жарнама, кастинг және контент жасау салаларында жүреді. 2023 жылы компания шығынды 5 жарым млрд долларға азайту үшін 7 мың адамды жұмыстан босататынын жариялады. Содан бері жоспарын кезең-кезеңімен жүзеге асырып келеді. Наурызда 200 қызметкерді қысқартты.