Бүгін елдің бірқатар өңірінде дауылды ескерту жарияланды, деп хабарлайды 24kz.

Ақмола, Атырау, Ақтөбе, Солтүстік Қазақстан, Ұлытау облыстарында жаңбыр, бұршақ жауу ықтимал. Қызылдорда облысында құмды дауыл соғады.

«Алматы, Жетісу өңірінде, Шығыс Қазақстанда күн ысып сынап бағанасы 38 градусқа дейін көтерілуі мүмкін», - дейді «Қазгидромет» мамандары. Сондай-ақ күн ысып тұрған аймақтарда барынша өрт қауіпсіздігін сақтау қажет деп ескертеді мамандар.