Газа секторында Израиль әскерінің әуе шабуылынан бір тәулікте 47 адам қаза тапты, деп хабарлайды 24kz.

400-ге жуық тұрғын жарақат алған. Бұл – жергілікті Денсаулық сақтау министрілігінің дерегі. Еврей армиясы Хан-Юнис, Рафах секілді бірқатар қаланы бомбалады.

Ал, Жабалияда әскери операцияны күшейтетінін жариялағаннан кейін бейбіт тұрғындар беті ауған жаққа үдере көшті. Газа секторындағы Израильдің әскери операциясы 2023 жылы қазанда басталды. Содан бері 55 мыңға жуық палестиналық өлім құшты.