Үндістанда әуе апатынан қаза тапқан адамдардың жеке басын анықтау жұмыстары жалғасып жатыр, деп хабарлайды 24kz.

ДНҚ тест арқылы 47 жолаушының есімі белгілі болды. 24 мәйітті туыстары алып кетті.

Мамандар әрбір талдау жұмыстарына орташа есеппен 72 сағат жұмсайды. «Сол себепті үдеріс баяу жүріп жатыр», - деп жазды Times of India басылымы.

Естеріңізде болса, 12 маусымда Ахмедабад – Лондон рейсімен ұшқан Boeing 787 Dreamliner ұшағы тұрғын үйге құлап, 270-тен астам адам опат болған еді. Ресми мәліметке сәйкес, ұшақта 242 адам отырған. Олардың арасында 2 ұшқыш пен 10 бортсерік болды. Әуе апатынан тек бір адам ғана тірі қалды.